کورونا: ہندوستان ایک لاکھ کا ہندسہ پار کرنے والا دنیا کا 11 واں ملک بنا

کورونا وائرس
بھارت میں کورونا وائرس کے نئے معاملے

نئی دہلی: ملک میں گزشتہ دو دن میں کورونا وائرس (كووڈ -19) کے 10 ہزار سے زائد کیسز سامنے آنے سے متاثرین کی تعداد ایک لاکھ سے زائد ہو گئی ہے۔ ان میں سے ایک تہائی سے زیادہ کیسز  مہاراشٹر ریاست کے ہیں۔

وطن عزیز بھارت کورونا وائرس کے ایک لاکھ متاثرین کے اعداد و شمار کو عبور کرنے والا دنیا کا 11 واں ملک بن گیا ہے۔

وزارت صحت کی جانب سے منگل کی صبح جاری اعداد و شمار کے مطابق گزشتہ 24 گھنٹوں میں 4،970 نئے کیسز سامنے آئے جس سے متاثرین کی مجموعی تعداد 101139 تک پہنچ گئی ہے۔ خیال رہے کہ ملک میں ایک دن پہلے ہی 5،242 کیسز سامنے آئے تھے۔

ملک میں اس وبا سے گزشتہ 24 گھنٹوں میں 134 افراد کی موت ہونے سے ہلاکتوں کی تعداد 3163 ہو گئی۔ اس درمیان ایک مثبت پہلو یہ بھی ہے کہ اس بیماری سے شفایاب ہونے والوں کی تعداد میں بھی اضافہ ہو رہا ہے۔ گزشتہ 24 گھنٹوں میں 2350 افراد صحت مند ہوئے ہیں اور اس کے ساتھ ہی صحت مند ہونے والوں کی کل تعداد 39174 ہو گئی ہے۔

[یو این آئی]

urdu.hamslive.com

تعارف: hamslive

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*