ایران کے پارلیمنٹ اسپیکر کورونا وائرس کا شکار

تہران: ایران کی پارلیمنٹ کے اسپیکر علی لاریجانی میں بھی کورونا وائرس ’ كووڈ 19‘ کی تشخیص ہوئی ہے۔ ایران اسٹوڈنٹس نیوز ایجنسی نے یہ اطلاع دی۔ ایجنسی کے مطابق مسٹر لاریجانی کورونا وائرس کی جانچ میں مثبت پائے گئے ہیں جس کے بعد انہیں قرنطینہ میں منتقل کر دیا اور ان کا علاج شروع کر دیا گیا ہے۔

ایران میں جمعرات کو کورونا وائرس کے 2875 نئے کیسز سامنے آنے کے ساتھ ہی یہاں کورونا متاثر ین کی تعداد 50486 ہو گئی ہے ۔

صحت اور طبی تعلیم کی وزارت کے اطلاعات عامہ اور انفارمیشن سینٹر کے سربراہ كنوش جهانپور نے بتایا کہ ملک میں گزشتہ 24 گھنٹوں کے دوران 124 افراد کی موت ہوئی ہے اور اس طرح ملک میں اب تک اس مہلک وائرس کی وجہ سے جاں بحق ہونے والوں کی تعداد 3160 ہو گئی ہے۔ انہوں نے بتایا کہ اب تک ملک میں 16711 کورونا متاثرین صحت یا ب ہوئے ہیں، جبکہ 3956 افراد کی حالت نازک ہے۔

(یو این آئی)

تعارف: hamslive

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*