جنوبی کوریا میں کورونا وائرس کے 25 ویں کیس کی تصدیق

جنوبی کوریا میں خوفناک کورونا وائرس کے 25 ویں کیس کی تصدیق ہو گئی ہے۔

سیول، 9 فروری (یواین آئی) جنوبی کوریا میں خوفناک کورونا وائرس کے 25 ویں کیس کی تصدیق ہو گئی ہے۔

ملک کی وزارت صحت کے تحت چلنے والے کوریا بیماریوں کے کنٹرول اور روک تھام مرکز (كےسي ڈي سي) نے اتوار کو یہ اطلاع دی۔

كےسي ڈي سي نے ایک بیان میں کہا’’کورونا وائرس کے 25 ویں کیس کی تصدیق ہو گئی ہے۔ کوریائی 73 سالہ خاتون اپنے خاندان بیٹے اور بہو کے ساتھ نومبر 2019 میں چین کے صوبہ گوآنگ ڈونگ گئی تھیں اور 31 جنوری، 2020 تک وہاں رکی تھیں۔ اس کے بعد انہیں بخار، کھانسی، گلے کی سوزش کی شکایت ہوئی اور تحقیقات کے بعد انہیں کورونا وائرس سے متاثر پایا گیا۔ انہیں اسپتال کے مختلف وارڈ میں داخل کیا گیا ہے۔

خیال رہے چین میں کوونا وائرس سے مرنے والوں کی تعداد بڑھ کر 811 ہو گئی ہے جبکہ 37،198 لوگوں میں اس کے اثرات پائے جانے کی تصدیق ہوئی ہے۔شہر ووہان میں 31 دسمبر 2019 کو کورونا وائرس کا پہلا کیس سامنے آیا تھا جس کے بعد سے اب تک یہ 25 سے زائد ممالک میں پھیل چکا ہے۔

عالمی ادارہ صحت (ڈبلیو ایچ او) نے کورونا وائرس کے پیش نظر گذشتہ ہفتے عالمی صحت ایمرجنسی کا اعلان کیا تھا۔